ПИРӮЗИИ МУНТАХАБИ ТОҶИКИСТОН ДАР ДАВРИ ДУЮМИ МАРҲИЛАИ ИНТИХОБИИ ҶОМИ ОСИЁ-2023

Дастаи мунтахаби Тоҷикистон дар марҳилаи интихобии Ҷоми Осиё-2023 дар гурӯҳи “F” пирӯзии дуюмашро ба даст овард.

Тими миллии Тоҷикистон дар даври дуюми марҳилаи интихобӣ бар тими Сингапур бо ҳисоби 1:0 пирӯз шуд. Нимҳимоятгар Шервонӣ Мабатшоев дар дақиқаи 53-юми вохӯрӣ муаллифи голи ягона ва пирӯзиовар гардид.

Дар бозии дигари даври дуюм Қирғизистон дастаи Мянмарро бо ҳисоби 2:0 шикаст дод.

Дар даври ниҳоии марҳилаи интихобии Ҷоми Осиё-2023 дар гурӯҳи “F” мунтахаби Тоҷикистон рӯзи 14-уми июн бо тими миллии Қирғизистон бозӣ мекунад. Ин бозӣ дар варзишгоҳи ба номи Долон Омурзоқови шаҳри Бишкек соати 20:00 ба вақти Душанбе оғоз мешавад.

• ←
• →