Схемаи рангҳо: C C C C
Андозаи ҳуруф: A A A
Сурат:
  • Тоҷикистон, ш. Душанбе, кӯчаи С. Айнӣ 24
  • +992 (37) 221-64-67
  • noc@olympic.tj
d;rojgopdfkg'[o1adpkfp[osKF

Дар барои мо

Таърих

Кумитаи миллии олимпии Тоҷикистон соли 1992 таъсис ёфта, соли 1993 ба узвияти Кумитаи байналмилалии олимпӣ пазируфта шудааст. Ҳамчунин, узви Шӯрои олимпии Осиё, Ассотсиатсияи кумитаҳои миллии олимпӣ, Федератсияи Бозиҳои ҳамбастагии исломӣ мебошад.

Кумитаи миллии олимпии Тоҷикистонро Президенти Кумита роҳбарӣ мекунад. Президентро мақоми олии роҳбарикунандаи Кумита – Ассамблеяи генералӣ интихоб менамояд.

Кумитаи миллии олимпии Тоҷикистонро дар солҳои гуногун Сатторов Абдуҷаббор, Ҳасанов Иброҳим, Ҷобиров Бурихон, Раҷабалиев Баҳрулло роҳбарӣ кардаанд.

Аз соли 2009 Эмомалӣ Раҳмон Президенти Кумитаи миллии олимпии Тоҷикистон мебошанд.

Дастаи мунтахаби олимпии Тоҷикистон бори аввал соли 1994 дар Бозиҳои тобистонаи Осиё, ки дар шаҳри Ҳирошимаи Ҷопон баргузор шуд, иштирок кард. Дар бозиҳои олимпӣ бошад, аввалин маротиба зери парчами Ҷумҳурии Тоҷикистон соли 1996 (Атланта, ШМА) ширкат намуд. Варзишгарони тоҷик то соли 2018 дар Бозиҳои Осиё 27 медал ва дар Бозиҳои олимпӣ 4 медал (1 тилло, 1 нуқра, 2 биринҷӣ) ба даст овардаанд.

Аввалин медали Бозиҳои олимпиро Расул Боқиев сазовор шуд. Ӯ дар Бозиҳои олимпии Пекин-2008 (Чин) дар намуди дзюдо (вазни -73 кг) медали биринҷӣ ба даст овард. Медали дуюмро (нуқра) дар Бозиҳои олимпии Пекин-2008 Юсуф Абдусаломов дар намуди гуштини озод (вазни -84 кг) гирифт. Дар Бозиҳои олимпии Лондон-2012 Мавзуна Чориева дар намуди бокс миёни бонувон (вазни -60 кг) сазовори медали биринҷӣ шуд. Соли 2016 дар Бозиҳои олимпии Рио-де-Жанейро Дилшод Назаров дар намуди гурзандозӣ аввалин медали тиллоро ба Тоҷикистон овард.

Аввалин медали (биринҷӣ) Бозиҳои Осиёро бошад, Хайрулло Назриев дар намуди дзюдо (соли 1994, Хиросима) сазовор гаштааст. Умуман, варзишгарони мо дар Бозиҳои Осиё 4 медали тилло, 3 нуқра, 14 биринҷӣ ба даст овардаанд. 3 медали тилло ба гурандоз Дилшод Назаров ва 1 медали тилло ба муштзан Ҷаҳон Қурбонов мансуб аст.

Варзишгарони тоҷикистонӣ дар ҳайати Иттиҳоди Ҷумҳуриҳои Шӯравии Сотсиалистӣ низ дар Бозиҳои олимпӣ иштирок карда, 4 медали тилло ва 2 биринҷӣ ба даст овардаанд. Аввалин маротиба дар Бозиҳои олимпӣ аз Тоҷикистон соли 1960 дар Рим қайиқрон Иброҳим Ҳасанов ширкат кард. Медалҳои тиллоро қайиқрон Юрий Лобанов (Мюнхен, 1972), дар намуди панҷҳарба Анатолий Старостин (Москва, 1980, ду карат – инфиродӣ ва даставӣ) ва гурзпарто Андрей Абдувалиев (Барселона, 1992) сазовор гаштаанд. Медалҳои биринҷӣ бошад, ба камонвар Зебунисо Рустамова (Монреал, 1976) ва қайиқрон Юрий Лобанов (Москва, 1980) мансуб аст.