Ахбор
ШӮРОИ ИҶРОИЯИ КБО ФАЪОЛИЯТИ КМО ҶХДК-РО МУВАҚҚАТАН БОЗДОШТ
13.09.2021
: 677
Шӯрои иҷроияи Кумитаи байналмилалии олимпӣ (КБО) оид ба мутаваққиф кардани фаъолияти Кумитаи миллии олимпии Ҷумҳурии Халқии Демократии Корея (ҶХДК) то охири соли 2022, бо сабаби иштирок накарданаш дар Бозиҳои олимпии Токио-2020, қарор қабул кард.
Дар асоси ин қарор дар давраи боз доштани фаъолияти КМО чораҳои зерин амалӣ карда мешаванд:
- Дастгирии молиявии КБО, ки мебоист ба КМО ҶХДК ҷудо карда мешуд, аммо бинобар таҳримҳои байналмилалӣ нигоҳ дошта шуда буд, бо дарназардошти он ки КМО ҶХДК ба муваффақияти Бозиҳои олимпии Токио-2020 мусоидат накард, комилан қатъ карда мешавад.
- КМО ҶХДК дар давраи боздоштани фаъолият аз ягон кӯмак ё барномаи КБО баҳра намебарад.
- Агар ягон варзишгар (варзишгарон) аз КМО ҶХДК тавассути раванди интихобӣ ба Бозиҳои зимистонаи олимпии Пекин-2022 роҳхат гиранд, Шӯрои иҷроияи КБО дар робата ба он варзишгар (он) қарори дахлдор қабул мекунад.
- Шӯрои иҷроияи КБО ҳақ дорад, ки бо хости худ давомнокии ҷазоро баррасӣ намояд.
КМО ҶХДК танҳо кумитаи миллии олимпӣ буд, ки дар Бозиҳои олимпии Токио-2020 иштирок накард.
Тавассути коммуникатсияҳо ва мубоҳисаҳои мухталиф байни КБО ва КМО ҶХДК дар муддати моҳҳои пеш аз Бозиҳои олимпии Токио-2020, КБО барои баргузории Бозиҳои бехатар итминон дод ва пешниҳодҳои созандаеро барои дарёфти ҳалли мувофиқ пешниҳод кард, ки ҳамаи ин ба таври мунтазам аз ҷониби КМО ҶХДК рад карда шуданд.
Дар тӯли тамоми раванд, ба КМО ҶХДК имконияти одилона барои шунидан дода шуд ва дар бораи оқибатҳои мавқеи худ бо далели он ки ҳама гуна вайронкунии Хартияи олимпӣ оқибати чораҳо ва таҳримҳоро дар назар дорад, фаҳмонида шуд.
Бо иштирок накардан дар Бозиҳои олимпии Токио-2020, КМО ҶХДК талаботи қоидаи 27.3-и Хартияи олимпиро риоя накард, ки дар он гуфта шудааст: “КМО ваколати истисноии намояндагӣ намудани кишвари худро дар Бозиҳои олимпӣ, чорабиниҳои маҷмӯии варзишии минтақавӣ ва қитъавӣ, ки зери сарпарастии КБО гузаронида мешаванд, дорад. КМО ҷиҳати иштирок дар Бозиҳои Олимпиада тавассути сафарбарии варзишгарон уҳдадор аст».