Ахбор
ЛИГАИ ОЛӢ: “ХАТЛОН” БА ҶОИ ДУЮМ БАРОМАД
17.05.2021
: 696
Се бозии даври ҳафтуми Чемпионати Тоҷикистон оид ба футбол миёни дастаҳои лигаи олӣ баргузор шуд.
Дастаи “Хатлон”-и Бохтар дар бозии хонагӣ тими “Куктош”-ро бо ҳисоби 2:0 мағлуб кард. Голҳоро Тоҳир Тағойзода ва Нуриддин Ҳамроқулов заданд. Пас аз ин пирӯзӣ дастаи шаҳри Бохтар холҳояшро ба 9 расонида ба ҷои дуюми ҷадвали чемпионат баромад.
Дастаи нави лигаи олӣ – “Эсхата”-и Хуҷанд аз чемпиони феълии малакат – “Истиқлол” бо ҳисоби 0:2 шикаст хурд. Ҳар ду гол дар нимаи дуюми дидор зада шуд. Салама Ашурмамадов дар дақиқаи 55 ва Рустам Соиров дар дақиқаҳои иловагӣ (90+2) ду маротиба дарвозаи бонкчиҳоро рахна намуданд. “Истиқлол” дар се бозӣ 7 хол ба даст оварда, дар ҷои 8-уми ҷадвал мавқеъ дорад.
Дар бозӣ миёни дастаҳои “Душанбе” – “Истаравшан” ғолиб муайян нашуд. Бозингари тими меҳмон Илҳом Баротов дар анҷоми нимаи аввал аз пеналтӣ ҳисобро кушод. Амир Манеш аз тими “Душанбе” дар аввали нимаи дуюм ҳисобро баробар кард – 1:1.
Бозиҳои даври ҳаштум 21-22 май доир мегарданд. Рӯзи аввал “Куктош” бо КМВА, “Файзканд” бо “Душанбе”, рӯзи дуюм “Истаравшан” бо “Хатлон”, “Эсхата” бо “Хуҷанд” вомехуранд.
Бозӣ миёни дастаҳои “Равшан” – “Истиқлол”, бо сабаби иштироки “Равшан” дар марҳилаи гурӯҳии Ҷоми КФО-2021, ба вақти дигар гузаронида шудааст.
|
|
ДАСТАҲО | Б | Ғ | М | Б | Т | Т | ФТ | Х |
|---|---|---|---|---|---|---|---|---|---|
| 1 | "ХУҶАНД" (ХУҶАНД) | 6 | 4 | 1 | 1 | 14 | 5 | +9 | 13 |
| 2 | "ХАТЛОН" (БОХТАР) | 6 | 2 | 3 | 1 | 7 | 5 | +2 | 9 |
| 3 | "ЭСХАТА" (ХУҶАНД) | 7 | 2 | 2 | 3 | 11 | 11 | 0 | 8 |
| 4 | "ДУШАНБЕ" (ДУШАНБЕ) | 6 | 2 | 2 | 2 | 10 | 12 | -2 | 8 |
| 5 | "ИСТАРАВШАН" (ИСТАРАВШАН) | 6 | 2 | 2 | 2 | 7 | 7 | 0 | 8 |
| 6 | "КУКТОШ" (РӮДАКӢ) | 7 | 2 | 2 | 3 | 7 | 13 | -6 | 8 |
| 7 | "ФАЙЗКАНД" (ВОСЕЪ) | 5 | 2 | 2 | 1 | 5 | 4 | +1 | 8 |
| 8 | "ИСТИҚЛОЛ" (ДУШАНБЕ) | 3 | 2 | 1 | 0 | 4 | 1 | +3 | 7 |
| 9 | "РАВШАН" (КӮЛОБ) | 6 | 1 | 2 | 3 | 5 | 8 | -3 | 5 |
| 10 | КМВА (ДУШАНБЕ) | 6 | 1 | 1 | 4 | 5 | 9 | -4 | 4 |