Ахбор
“Регар-ТадАЗ” лигаи олиро тарк мекунад
01.10.2020
: 960
Бозиҳои даври мавқуфмондаи 15-уми Чемпионати Тоҷикистон оид ба футбол миёни дастаҳои лигаи олӣ ба анҷом расиданд.
Як давр қабл аз анҷоми чемпионат чемпиони ҳафткаратаи мамлакат, дастаи “Регар-ТадАЗ”-и Турсунзода ҳамаи имкониятҳояшро барои мондан дар лигаи олӣ аз даст дод ва дар мавсими оянда дар лигаи якум бозӣ хоҳад кард. Дар таърихи мавҷудияташ “Регар-ТадАЗ” бори аввал аст, ки лигаи олиро тарк мекунад.
Номи як дастаи дигар, ки дар пайи “Регар-ТадАЗ” ба лигаи якум меравад, дар даври ҷамъбастӣ, пас аз вохурии тимҳои “Файзканд” - “Локомотив-Помир” муайян мешавад. Барои боқӣ мондар дар лигаи олӣ ба тими ноҳияи Восеъ ҳисоби мусовӣ кофӣ аст, вале “Локомотив-Помир” ҳатман бояд ғалаба кунад.
Барандаи медалҳои биринҷии Чемпионати Тоҷикистон-2020 низ дар даври ҷамъбастӣ маълум мегардад, ки 4 октябр баргузор мешавад. Якбора се даста – КМВА, “Куктош” ва “Хатлон” муддаии ҷои сеюми чемпионати имсола ҳастанд.
Чемпионати Тоҷикистон. Лигаи олӣ. 15-ум давр
«Регар-ТадАЗ» – «Хуҷанд» – 1:2
Голҳо: Фатҳулло Фатҳуллоев, 64 (0:1). Парвизҷон Алиев, 77 (0:2). Доробҷон Эргашев, 78 (1:2).
30 сентябр. Турсунзода. Варзишгоҳи «ТАЛКО-Арена».
«Куктош» – «Истиқлол» – 1:1
Голҳо: Манучеҳр Ҷалилов, 16 – аз пеналтӣ (0:1). Далер Ёдгоров, 70 (1:1).
30 сентябр. Рӯдакӣ. Варзишгоҳи «Нефтяник».
«Хатлон» – «Локомотив-Помир» – 0:0
30 сентябр. Бохтар. Варзишгоҳи «Пахтакор».
КМВА – «Душанбе-83» – 3:1
Голҳо: Мунир Давлатбеков, 1 (1:0). Фирӯз Бобиев, 40 – аз пеналтӣ (2:0). Элчибек Рашидбеков, 62 – аз пеналтӣ (2:1). Шервонӣ Мабатшоев, 85 (3:1).
30 сентябр. Душанбе. Варзишгоҳи КМВА Вазорати мудофиаи Ҷумҳурии Тоҷикистон.
| ДАСТАҲО | Б | Ғ | М | Б | Т-Т | Х | |
| 1 | "Истиқлол" (Душанбе) | 17 | 13 | 3 | 1 | 59-10 | 42 |
| 2 | "Хуҷанд" (Хуҷанд) | 17 | 11 | 2 | 4 | 29-21 | 35 |
| 3 | КМВА (Душанбе) | 17 | 7 | 5 | 5 | 27-24 | 26 |
| 4 | "Куктош" (Рӯдакӣ) | 17 | 6 | 7 | 4 | 26-22 | 25 |
| 5 | "Хатлон" (Бохтар) | 17 | 6 | 7 | 4 | 26-23 | 25 |
| 6 | "Душанбе-83" (Душанбе) | 17 | 5 | 5 | 7 | 19-27 | 20 |
| 7 | "Истаравшан" (Истаравшан) | 17 | 4 | 4 | 9 | 28-37 | 16 |
| 8 | "Файзканд" (Восеъ) | 17 | 3 | 7 | 7 | 16-31 | 16 |
| 9 | "Локомотив-Помир" (Душанбе) | 17 | 3 | 5 | 9 | 14-25 | 14 |
| 10 | "Регар-ТадАЗ" (Турсунзода) | 17 | 3 | 3 | 11 | 19-43 | 12 |
Дар даври 18-ум вомехуранд:
4 октябр (якшанбе)
Оғоз – соати 15:30
«Файзканд» – «Локомотив-Помир»
«Душанбе-83» – «Истиқлол»
«Хуҷанд» – КМВА
«Истаравшан» – «Хатлон»
«Регар-ТадАЗ» – «Куктош»