Гуштингирӣ ҷузъи муҳимми ҳувияти миллӣ ва таърихи қадимии мост!

  Имрӯз, 22 – юми январи соли 2025 дар доираи сафари худ ба Ҷумҳурии Тоҷикистон Ҳусайн Ал – Мусаллам директори генералии Шӯрои олимпии Осиё, Президенти Федератсияи ҷаҳонии варзиши обӣ дар якҷоягӣ бо Зулфиқор Гулаҳмадзода - ноиби ваколатдори Президенти Кумитаи миллии олимпии Тоҷикистон (КМОТ), Раиси Федератсияи гӯштингирии Тоҷикистон Бегиҷонзода Лоиқ Бегиҷон ва ҳайати Кумитаи миллии олимпии Тоҷикистон (КМОТ) аз рафти тамринҳои варзиши гӯштингирии варзишгарони Федератсияи гӯштингирӣ ва Толори варзишии Парвиз Собиров дидан намуданд.
  Зимни ташрифи меҳмонон мураббиён ва варзишгарони тоҷик аз усулҳои зебои варзиши гӯштингирӣ намоиши хуб нишон дода, меҳмононро ба маълумотҳои зарурӣ фаро гирифтанд.