МУНТАХАБИ ФУТЗАЛИ ТОҶИКИСТОН ДАР МУСОБИҚАИ ТАЙЛАНД ҶОИ ПАНҶУМРО ГИРИФТ

Мунтахаби футзали Тоҷикистон дар мусобиқаи байналмилалии «Continental Futsal Championship 2021» дар Тайланд ҷои панҷумро ишғол намуд.

Мусобиқа, ки 25 июл дар Бангкок оғоз гардида буд, имрӯз анҷом меёбад.

Тими футзали Тоҷикистон дар бозӣ барои ҷои панҷум имрӯз – 30 июл – бар тими Мозамбик бо ҳисоби 3:2 пирӯз шуд. Голҳоро дар ҳайати тими мунтахаби мо Бахтиёр Солиҳов, Файзалӣ Сардоров ва Умед Қузиев заданд.

Дар марҳилаи гурӯҳии «Continental Futsal Championship 2021» бошад, мунтахаби Тоҷикистон бозиро бар дастаҳои Миср (0:1) ва Эрон (0:7) бохт, бар тими Литва ғалаба кард (9:2) ва ҷои сеюмро ишғол намуд.

Бозиии финалии мусобиқа имрӯз миёни дастаҳои мунтахаби Тайланд ва Эрон доир мегардад, ҳамчунин, дастаҳои футзали Узбекистон ва Миср барои ҷои сеюм вомехуранд.

• ←
• →