Ахбор
Пирӯзии ду дастаи Душанбе дар меҳмонӣ
29.06.2020
: 1141
Ду бозии дигари даври ҳафтуми Чемпионати Тоҷикистон оид ба футбол миёни дастаҳои лигаи олӣ 28 июн баргузор шуд.
Дар бозии марказии давр дастаи “Истиқлол”-и Душанбе дар сафар бар тими “Хуҷанд” бо ҳисоби 3:1 ғалаба кард. Ба голи нимҳимоятгари дастаи Хуҷанд Санҷар Рихсибоев душанбегиҳо тавассути зарбаҳои нишонраси Манучеҳр Ҷалилов, Алишер Ҷалилов ва Вахит Оразсахедов ҷавоб доданд.
Дар бозии дигар дастаи нави лигаи олӣ – “Душанбе-83” дар Турсунзода тими маҳаллӣ “Регар-ТадАЗ”-ро мағлуб кард – 2:1. Ду голи душанбегиҳоро Агблей Ҷонс ва Идрис Амин заданд.
Пас аз 7 даври сипаришудаи Чемпионати Тоҷикистон “Истиқлол” бо 19 хол пешсафи ҷадвал мебошад. “Хатлон” бо 14 хол дар ҷои дуюм, “Хуҷанд” бо 13 хол дар ҷои сеюм мавқеъ гирифтаанд.
Даври навбатии чемпионат 4-5 июл доир хоҳад шуд. Рӯзи аввал «Файзканд» бо «Истиқлол», «Локомотив-Помир» бо «Хуҷанд», «Душанбе-83» бо «Истаравшан», рӯзи дигар КМВА бо «Регар-ТадАЗ» ва «Хатлон» бо «Куктош» вомехуранд.
| Б | Ғ | М | Б | Т-Т | Х | ||
| 1 | "Истиқлол" (Душанбе) | 7 | 6 | 1 | 0 | 34-5 | 19 |
| 2 | "Хатлон" (Бохтар) | 7 | 4 | 2 | 1 | 13-10 | 14 |
| 3 | "Хуҷанд" (Хуҷанд) | 7 | 4 | 1 | 2 | 14-10 | 13 |
| 4 | "Душанбе-83" (Душанбе) | 7 | 3 | 1 | 3 | 6-12 | 10 |
| 5 | "Файзканд" (Восеъ) | 7 | 2 | 4 | 1 | 9-10 | 10 |
| 6 | "Куктош" (Рӯдакӣ) | 7 | 2 | 3 | 2 | 7-9 | 9 |
| 7 | КМВА (Душанбе) | 7 | 2 | 2 | 3 | 8-10 | 8 |
| 8 | "Регар-ТадАЗ" (Турсунзода) | 7 | 2 | 1 | 4 | 11-15 | 7 |
| 9 | "Локомотив-Помир" (Душанбе) | 7 | 1 | 1 | 5 | 7-13 | 4 |
| 10 | "Истаравшан" (Истаравшан) | 7 | 1 | 0 | 6 | 6-21 | 3 |