Лигаи олӣ: “Хуҷанд” ва “Истиқлол” дар садри ҷадваланд

07.05.2018

: 1307

Рӯзҳои истироҳати гузашта ду бозии мавқуфмондаи чемпионати Тоҷикистон оид ба футбол миёни дастаҳои лигаи олӣ баргузор шуд.

Дар бозии мавқуфмондаи даври дуюм тими “Истиқлол”-и Душанбе бар дастаи “Барқчӣ”-и Ҳисор бо ҳисоби 2:1 ғалаба кард. Голҳои тими Душанберо Фатҳулло Фатҳуллоев ва Шериддин Бобоев заданд.
Бозии даври шашум миёни дастаҳои “Хуҷанд” ва “Куктош” бо пирӯзии дастаи соҳили Сирдарё анҷом ёфт – 3:1. 3 голи тими ғолибро Бахтиёр Чориев, Ҷаҳонгир Эргашев ва Хуршед Бекназаров ба ҳадаф расониданд.
Баъд аз ғалабаи навбатӣ дастаҳои “Истиқлол” ва “Хуҷанд” бо 16-холӣ дар садри ҷадвали чемпионат қарор доранд. Вале “Истиқлол” як бозӣ камтар анҷом додааст.

Мавқеи дастаҳо дар ҷадвали мусобиқа:

ҶОЙ	ДАСТАҲО	Б	Ғ	М	Б	Т/Т	Х
1	“Хуҷанд” (Хуҷанд)	7	5	1	1	15-7	16
2	“Истиқлол” (Душанбе)	6	5	1	0	10-3	16
3	“Хатлон” (Бохтар)	7	3	1	3	9-9	10
4	КМВА “Помир” (Душанбе)	6	2	3	1	7-8	9
5	“Куктош” (Рӯдакӣ)	7	2	3	2	8-10	9
6	“Регар-ТадАЗ” (Турсунзода)	7	2	2	3	10-9	8
7	“Панҷшер” (Ҷалолиддин Балхӣ)	7	1	2	4	5-11	5
8	“Барқчӣ” (Ҳисор)	7	0	1	6	3-10	1

Бозии даври ҳафтум миёни дастаҳои «Истиқлол» – КМВА «Помир» 9-уми майбаргузор мешавад.
Даври ҳаштум рӯзҳои 12-13 май доир мегардад. 12 май «Куктош» бо «Барқчӣ», «Панҷшер» бо «Хуҷанд», 13 май «Хатлон» бо «Регар-ТадАЗ» вомехӯранд. Оғози бозиҳо – соати 17:00.