XII Бозиҳои тобистонаи Осиё
1994. 2-16 октябр. Ҳирошима (Ҷопон)  

Кишварҳои иштирокчӣ: 42
Варзишгарон: 6828
Намудҳои варзиш: 34
 
Бозиҳои 12-уми Осиё аз он ҷиҳат мавриди таваҷҷуҳ қарор гирифт, ки бори аввал дар шаҳре доир гардид, ки пойтахт набуд. Дигар ҳодисаи боиси таваҷҷуҳ иштироки 5 давлати нав ба соҳибистиқлолӣ расида – Тоҷикистон, Қазоқистон, Қирғизистон, Узбекистон ва Туркманистон мебошад. Ҳамчунин, Камбоҷа баъд аз 20 сол дар бозиҳо иштирок намуд. Баръакси ин Ироқ бо сабаби ҷанг дар Халиҷи Форс аз иштирок дар бозиҳо даст кашид.

Бори аввал намудҳои варзиши бейсбол, каратэ ва панҷҳарбаи муосир ба барномаи бозиҳо ворид карда шуданд.

Тоҷикистон дар ин бозиҳо, ки бори аввал ширкат намуд, сазовори 2 медали биринҷӣ гардид. Хайрулло Назриев дар намуди дзюдо (вазни -86 кг) ва Исроил Исмоилов дар намуди каратэ-до (вазни -80 кг) сазовори ҷои сеюм шуданд.

   

НАМУДҲОИ ВАРЗИШ

Аспсаворӣ Бадминтон Баскетбол Бейсбол Бокс Гуштин Боулинг Вазнбардорӣ Варзиши сабук Велосипедронӣ Волейбол Гимнастикаи варзишӣ Голф Дзюдо Заврақронӣ Кабодда Камонварӣ Каратэ Қайиқронии академӣ Қайқронӣ дар каноэ Панҷҳарбаи муосир Сепак такро Софтбол Таеквондо Теннис Тенниси рӯи миз Тирпаронӣ Футбол Хоккей дар рӯи алаф Ҳандбол Ҷаҳиш ба об Шамшербозӣ Шиноварӣ

НАТИҶАИ БОЗИҲО