Лигаи олӣ: пирӯзии “Регар-ТадАЗ” бар КМВА “Помир” дар сафар

18 май ду бозии даври ниҳоии марҳилаи аввали Чемпионати Тоҷикистон миёни дастаҳои лигаи олӣ баргузор шуд. Дастаи “Регар-ТадАЗ” дар меҳмонӣ тими КМВА “Помир”-ро шикаст дод, бозӣ миёни дастаҳои “Истаравшан” – “Куктош” мусовӣ шуд.

Бозӣ миёни дастаҳои КМВА “Помир” бо “Регар-ТадАЗ” дар шаҳри Душанбе сурат гирифта, бо ҳисоби 3:2 хотима ёфт. Голҳоро дар ҳайати тими Турсунзода Шерзод Муҳаммадиев, Шелдори Акбари Араш ва Нозим Бобоҷонов заданд. Ду голи тими артишро Шодибек Ғаффоров ба номаш сабт кард.
Дар бозии дигари даври ҳафтум, ки “Истаравшан” дастаи “Куктош”-ро қабул кард, бо ҳисоби мусовӣ – 0:0 ба поён расид.
Ду бозии дигари даври ниҳоии марҳилаи аввали Чемпионати Тоҷикистон 19 май доир мегардад. Дар Варзишгоҳи “20-солагии Истиқлолияти Тоҷикистон” “Хуҷанд” бо “Истиқлол” ва дар Варзишгоҳи “Пахтакор” “Хатлон” бо “Панҷшер” вомехуранд.

• ←
• →