САМБО: ЧОР МЕДАЛИ ДИГАРИ ВАРЗИШГАРОНИ ТОҶИК ДАР ҶОМИ ҶАҲОН

Варзишгарони тоҷик дар рӯзи дуюми Ҷоми ҷаҳон оид ба самбо ба хотираи Харлампиев чор медали дигар ба даст оварданд.

Ҷоми ҷаҳон оид ба самбо ба хотираи Харлампиев 25-26 март дар шаҳри Москваи Федератсияи Россия баргузор шуд.

Дар мусобиқа, ки аз рӯи равияҳои самбои варзишӣ миёни мардон ва бонувон ва самбои размӣ миёни мардон сурат гирифт, тими мунтахаби Тоҷикистон дар ҳайати 11 нафар ширкат карда, 6 медал – 1 тилло, 5 биринҷӣ ба даст оварданд.

Дар рӯзи аввал паҳлавони шинохтаи кишвар, чемпиони ҷаҳон-2018 Хушқадам Хусравов дар вазни 64кг-и самбои варзишӣ медали тилло ба даст овард. Намояндаи дигари Тоҷикистон Ҷамшед Сафаров дар вазни -71кг-и самбои размӣ сазовори ҷои сеюм шуд.

Рӯзи дуюми мусобиқа дар самбои варзишӣ Акмалиддин Каримов (-58кг), Садр Боев (-88кг) ва дар самбои размӣ Меҳрубони Абдулҳақ (-64кг), Фирдавс Мирзоев (-79кг) сазовори медали биринҷӣ гаштанд.

• ←
• →