Лигаи бонувон: “Хатлон” ва “Зебо” баробар пеш мераванд

Даври шашуми Чемпионати Тоҷикистон оид ба футбол миёни бонувон баргузор шуд. Муддаиёни медалҳои тилло – “Хатлон”, “Зебо” ва “Зебонисо” дар ин давр низ бо ҳисоби калон ғалаба карданд.

Дастаи “Хатлон” ба дарвозаи тими “Чашма” 12 голи беҷавоб зад. Лайло Ҳалимова 6 гол, Сайрамҷон Холназарова, Шукрона Азимзода дуголӣ, Қурбонгул Қурбонова ва Нишона Саидова якголӣ заданд.
“Зебонисо” бошад, ба дарвозаи дастаи “Барқ” 13 голи беҷавоб зад. Мадина Фозилова 6 гол, Шукронаи Ҷумахон 5 гол, Некубахт Худодова ва Амина Собирова якголӣ ба номашон сабт карданд.
Бозӣ миёни дастаҳои “Ҳосилот” ва “Зебо” бо ҳисоби 1:8 анҷом ёфт. Голҳоро дар ҳайати тими ғолиб Манзура Ҳазратқулова (2 гол), Мавҷуда Сафарова (2 гол), Меҳрангез Шарифова (2 гол), Саҳина Саидова ва Зуҳро Бобомуродова ба ҳадаф расониданд. Як голи “Ҳосилот”-ро Шаҳзода Хидирова ба номаш сабт кард.
“Бешкент” бар тими “Равшан” бо ҳисоби 6:0 пирӯз шуд. Ҳамаи голҳоро Рафина Нормуродова зад.
“Панҷшер” аз тими “Регар-ТадАЗ” бо ҳисоби 0:13 шикаст хурд. Зулайхо Сафарова 5 гол, Ҷонона Ҳалимова ва Наргиза Бобоева чорголӣ ба номашон навиштанд.
Бозиҳои даври ҳафтуми Чемпионати Тоҷикистон оид ба футбол миёни бонувон 26 июл сурат мегиранд. «Регар-ТадАЗ» бо «Хатлон», «Равшан» бо «Панҷшер», «Барқ» бо «Бешкент», «Зебо» бо «Зебонисо», «Чашма» бо «Ҳосилот» вомехуранд.

• ←
• →