Ду бозии рафиқонаи тими миллии кишвар дар моҳи июн

Федератсияи футболи Тоҷикистон баргузории бозиҳои рафиқонаи дастаи мунтахаби кишварро дар моҳи июн ба нақша гирифтааст.

Дар доираи омодагӣ ба марҳилаи интихобии чемпионати ҷаҳон-2022, ки моҳи сентябр оғоз меёбад, мунтахаби миллии Тоҷикистон моҳи июн ду бозии рафиқона анҷом медиҳад. 7-уми июн мунтахаби мо дар шаҳри Душанбе бо тими миллии Афғонистон ва баъд аз 4 рӯз дар Гуанжоу бо мунтахаби Чин, ки моҳи январи гузашта то даври чорякфинали Ҷоми Осиё-2019 баромад, вомехурад.
Ҳамчунин, дар доираи омодагӣ ба марҳилаи интихобии ЧҶ-2022 тими миллии Тоҷикистон дар мусобиқаи байналмилалии «Inter-Continental Cup 2019», ки 7-18 июл дар шаҳри Бангалори Ҳиндустон баргузор мешавад, иштирок хоҳад кард.

Бозиҳои рафиқона

7 июн (ҷумъа)
ТОҶИКИСТОН – Афғонистон
Душанбе, Варзишгоҳи марказии ҷумҳуриявӣ

11 июн (сешанбе)
Чин – ТОҶИКИСТОН
Гуанжоу, Чин

• ←
• →