Схемаи рангҳо: C C C C
Андозаи ҳуруф: A A A
Сурат:
  • Тоҷикистон, ш. Душанбе, кӯчаи С. Айнӣ 24
  • +992 (37) 221-64-67
  • noc@olympic.tj
d;rojgopdfkg'[o1adpkfp[osKF

Ахбор

Ҳарифони мунтахаби Тоҷикистон (U-23) дар марҳилаи интихобии ЧО-2020 муайян шуд

07.11.2018

: 22

Имрӯз, 7 ноябр дар қароргоҳи Конфедератсияи футболи Осиё дар шаҳри Куала Лумпур маросими қуръакашии марҳилаи интихобии Чемпионати Осиё-2020 миёни ҷавонони то 23-сола баргузор шуд.

Дар асоси қуръакашӣ дастаи мунтахаби ҷавонони Тоҷикистон (U-23) ҳамроҳ бо дастаҳои Узбекистон, Ҳиндустон ва Покистон ба гурӯҳи “F” ворид шуд.
Дар марҳилаи интихобӣ 44 даста дар 11 гурӯҳ барои ба марҳилаи финалӣ баромадан талош мекунанд. Дар минтақаи Ғарб 6 гурӯҳ ва дар минтақаи Шарқ 5 гурӯҳ таъсис ёфтааст.
Бозиҳои гурӯҳи “F” 22-26 марти соли оянда дар шаҳри Тошканд баргузор мешавад.
Дар асоси натиҷаи марҳилаи интихобӣ ғолибони 11 гурӯҳ ҳамроҳ бо 4 дастаи беҳтарини гурӯҳҳо ба марҳилаи финалӣ, ки 8-26 январи соли 2020 дар Тайланд ба нақша гирифта шудааст, роҳхат мегиранд. Дар сурате ки мизбони чемпионат – мунтахаби Тайланд дар гурӯҳаш ҷои аввалро ишғол кунад ё миёни 4 дастаи беҳтарини ҷои дуюми гурӯҳҳо интихоб шавад, пас дастаи панҷуми ҷойи дуюми гурӯҳҳо, ки натиҷаи беҳтар дорад, соҳиби роҳхат ба марҳилаи финалӣ мегардад.
Се дастаи беҳтарин чемпионати Осиё-2020 миёни ҷавонони то 23-сола ба Бозиҳои олимпии Токио-2020 роҳхат мегиранд.

Чемпионати Осиё-2020 миёни мунтахабҳои ҷавон (U-23)

Натиҷаи маросими қуръакашии марҳилаи интихобӣ:

Минтақаи Ғарб

Гурӯҳи «А»: Қатар (мизбон), Уммон, Непал, Афғонистон.

Гурӯҳи «В»: Фаластин, Баҳрайн (мизбон), Бангладеш, Шри-Ланка.

Гурӯҳи «С»: Ироқ, Эрон (мизбон), Туркманистон, Яман.

Гурӯҳи «D»: Арабистони Саудӣ (мизбон), АМА, Лубнон, Малдив.

Гурӯҳи «Е»: Урдун, Сурия, Қирғизистон, Кувайт (мизбон).

Гурӯҳи «F»: Узбекистон (мизбон), ТОҶИКИСТОН, Ҳиндустон, Покистон.


Минтақаи Шарқ

Гурӯҳи «G»: ҶХД Корея, Ҳонг Конг, Сингапур, Муғулистон (мизбон).

Гурӯҳи «Н»: Ҷумҳурии Корея, Австралия, Камбоҷа (мизбон), Тайпэйи Чин.

Гурӯҳи «I»: Ҷопон, Мянма (мизбон), Тимори Шарқӣ, Макао.

Гурӯҳи «J»: Малайзия (мизбон), Чин, Лаос, Филиппин.

Гурӯҳи «К»: Ветнам (мизбон), Тайланд, Индонезия, Бруней.