ТАҶЛИЛИ ҶАШНИ БОШУКӮҲИ САДА ДАР ДОНИШКАДАИ ТАРБИЯИ ҶИСМОНИИ ТОҶИКИСТОН БА НОМИ САИДМӮЪМИН РАҲИМОВ

    31 - уми январи соли 2025 дар Донишкадаи тарбияи ҷисмонии Тоҷикистон ба номи Саидмӯъмин Раҳимов ҷашни Садаро бо тантана таҷлил намудаанд.
    Бо ташаббуси Пешвои муаззами миллат, муҳтарам Эмомалӣ Раҳмон ҷашни Сада ҳамчун яке аз ҷашнҳои қадимтарини мардуми ориёитабор дар замони Истиқлолияти давлатӣ эҳё гашта, таҷлили он чун иди таърихии миллӣ ба ҳукми анъана даромадааст.
     Ба ифтихори ҷашни мазкур дар саҳну роҳрави Донишкада фазои идона ороста шуда аз гӯшаи намоишии он ҳайати меҳмонон таҳти роҳбарии Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон - Зулфиқор Гулаҳмадзода, президенти Академияи таҳсилоти Тоҷикистон - Шодӣ Сафаров, ноиби Президенти Кумитаи миллии олимпии Тоҷикистон - Дилшод Назаров, Ректори Донишкада - Амир Иброҳимзода, котиби генералии Кумитаи миллии олимпии Тоҷикистон - Муҳаммадшо Абдуллозода ва дигарон дидан намуда, ҳамзамон бо варзишгарони ҷавон сӯҳбати самимӣ намуданд.
Раиси Кумита суханронӣ намуда, дарҷ намуданд, ки суннату ойинҳои нек ва ҷашнҳои миллии мо дар тӯли таърих барои тарғиби арзишҳои милливу фарҳанги бостонии миллати тоҷик заминаи хубе гузоштаанд.
   Ҳамзамон қайд менамоем, ки аз ҷониби роҳбарияти Кумитаи миллии олимпии Тоҷикистон 500 ҷуфт либосҳои варзишии якхела ба варзишгардонишҷуёни фаъоли Донишкадаи мазкур дар арафаи ин ҷашни миллӣ тақдим карда шуд.
   Сипас дар фарҷоми ҷорабинӣ чанде аз фаъолон ва собиқадорон бо медал, сипоснома ва дигар тӯҳфаҳои арзишманд қадршиносӣ гардиданд.