Дурнамои ҳамкориҳои Кумитаи миллии олимпии Тоҷикистон бо Шӯрои олимпии Осиё

Санаи 22.01.2025 мулоқоти Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон, Ноиби ваколатдори Президенти Кумитаи Миллии Олимпии Тоҷикистон Гулаҳмадзода Зулфиқор Аҳмад бо Директори Генералии Шӯрои Олимпии Осиё, Президенти Федератсияи ҷаҳонии варзиши обӣ ҷаноби Ҳусайн Ал-Мусаллам баргузор гардид.
Дар мулоқоти мазкур Ноиби ваколатдори Президенти Кумитаи миллии олимпӣ Гулаҳмадзода Зулфиқор Аҳмадро, Дилшод Назаров-Ноиби Президенти Кумитаи миллии олимпӣ, Абдуллозода Муҳаммадшо-Котиби Генералии Кумитаи миллии олимпӣ ва Бегиҷонзода Лоиқ-Раиси Федератсияи гуштингирии Тоҷикистон ҳамроҳӣ намуданд.
Зимни мулоқот ҷонибҳо масъалаи тақвияти ҳамкориҳои минбаъдаи Кумитаи миллии олимпии Тоҷикистонро бо Кумитаи миллии олимпии Осиё мавриди баррасӣ қарор доданд.
Ба ҷузъ гуфтаҳои боло масъалаҳо атрофи рушди варзиши обӣ ва гуштини миллӣ низ мавриди баррасии ҷонибҳо қарор гирифт.

• ←
• →