МУНТАХАБИ ТОҶИКИСТОН (U-20) ДАР БОЗИИ ДУЮМИ РАФИҚОНА НИЗ БАР ТИМИ АМА (U-20) ЗАФАР ЁФТ

Дастаи мунтахаби ҷавонони Тоҷикистон (U-20) таҳти роҳбарии сармураббӣ Аҳлиддин Турдиев дар бозии дуюми дӯстона низ бар тими ҷавонони Амороти Муттаҳидаи Араб пирӯз шуд.

Вохӯрии дастаҳо 4-уми июн дар Варзишгоҳи марказии ҷумҳуриявии шаҳри Душанбе баргузор шуда, бо ҳисоби 1:0 ба фоидаи тими миллии Тоҷикистон анҷом ёфт.

Голи ягонаро дар дақиқаи 37-ум нимҳимоятгари дастаи «Динамо»-и Душанбе Бежан Нишонбойзода зад.

Дар бозии якуми дӯстона, ки 2-юми июн баргузор шуда буд, мунтахаби ҷавонони мо бар ҳамсолони худ аз Амороти Муттаҳидаи Араб бо ҳисоби 3:1 ғолиб гардида буд.

• ←
• →