Схемаи рангҳо: C C C C
Андозаи ҳуруф: A A A
Сурат:
  • Тоҷикистон, ш. Душанбе, кӯчаи С. Айнӣ 24
  • +992 (37) 221-64-67
  • noc@olympic.tj
d;rojgopdfkg'[o1adpkfp[osKF

Ахбор

КБО МЕЪЁРҲОРО БАРОИ БАРНОМАИ ВАРЗИШИИ ОЛИМПИИ LA28 МУАЙЯН КАРД

20.05.2022

: 95

Шӯрои иҷроияи Кумитаи байналмилалии олимпӣ (КБО) меъёрҳои арзёбии барномаи варзиширо тасдиқ кард, ки барои баррасии ҳар як риштаи варзиш ва намудҳои эҳтимолии нави варзиш барои Бозиҳои олимпии Лос-Анҷелес-2028 (LA28) истифода мешавад.

Меъёрҳо ба принсипҳои барномаи варзишии LA28 мувофиқат мекунанд, ки аз ҷониби Шӯрои иҷроияи КБО моҳи апрели соли 2022 тасдиқ карда шудаанд ва Хартияи олимпӣ, тавсияҳои Рӯзномаи олимпии 2020+5 ва дидгоҳи КБО ва LA28-ро дар бораи Бозиҳои олимпии Лос-Анҷелес 2028 инъикос мекунанд.

Меъёрҳои барномаи варзишии LA28:

- Афзалият додан ба кам кардани хароҷот ва мураккабии бозиҳо.
- Ҷалби беҳтарин варзишгарон ва варзишҳое, ки саломатӣ ва бехатарии варзишгаронро дар ҷои аввал мегузоранд.
- Эътироф кардани ҷалби бештари мухлисон дар саросари ҷаҳон ва таваҷҷуҳи кишвари мизбон.
- Афзалият додан ба баробарии гендерӣ ва ҷавонон барои ҷалби мухлисон ва варзишгарони нав.
- Риояи адолат барои дастгирии варзиши тоза.
- Дастгирии устувории экологӣ барои таъмини устувории дарозмуддат.

Дар моҳҳои оянда, LA28 ва КБО бо федератсияҳои байналмилалии варзишӣ кор хоҳанд кард, то қувваозмоиҳоро бо истифода аз меъёрҳои арзёбӣ баррасӣ кунанд. Меъёрҳо, инчунин дар арзёбии намудҳои эҳтимолии нави варзиш барои Бозиҳои олимпии LA28 истифода хоҳанд шуд.

Дар Иҷлосияи КБО моҳи феврали соли 2022 28 намуди варзиши олимпӣ дар барномаи ибтидоии варзиши LA28 эълон карда шуд. Инҳо варзишҳои обӣ, камонварӣ, варзиши сабук, бадминтон, баскетбол, каноэ, велосипедронӣ, аспдавонӣ, шамшербозӣ, голф, гимнастика, ҳендбол, хоккей, ҷудо, қайиқронӣ, регбӣ, заврақронӣ, тирпаронӣ, скейтбозӣ, футбол, шӯхпаймоии варзишӣ, мавҷбозӣ, таеквондо, теннис, тенниси рӯи миз, триатлон, волейбол ва гуштин мебошанд.

Ба ҷуз аз 28 намуди аввалияи варзиш, Кумитаи тадорукоти бозиҳо имкон дорад, ки намудҳои иловагии варзишро барои дохил намудан ба барномаи варзишии Олимпиадаи LA28 пешниҳод намояд.

Қарори ниҳоӣ дар бораи намудҳои варзиш дар барномаи олимпии варзиши LA28 аз ҷониби Шӯрои иҷроияи КБО соли 2023 ва дар бораи мусобиқаҳо, квотаҳо ва форматҳои мусобиқа соли 2024, пас аз Бозиҳои олимпии Париж қабул мешавад.