ТИМИ ҶАВОНОНИ ТОҶИКИСТОН ДАР ҶОМИ МИЛЛАТҲОИ АРАБ ШИРКАТ МЕКУНАД

Дастаи мунтахаби ҷавонони Тоҷикистон оид ба футбол (футболбозони соли таваллудашон 2003 ва аз он хурд) бо роҳбарии сармураббӣ Аҳлиддин Турдиев дар Ҷоми миллатҳои араб-2021, ки аз 20 июн то 6 июл дар Миср баргузор мешавад, ширкат мекунад.

Дар натиҷаи қуръакашии Ҷоми миллатҳои араб-2021 миёни ҷавонони то 20-сола, мунтахаби Тоҷикистон ба гурӯҳи “В” ворид гардид. Ҳарифони мунтахаби ҷавонони Тоҷикистон дастаҳои мунтахаби Марокаш (20 июн), АМА (23 июн) ва Ҷибутӣ (26 июн) ҳастанд.

Дар Ҷоми миллатҳои араб-2021 15 дастаи мунтахаби ҷавонон дар 4 гурӯҳ бозӣ мекунанд. Дар натиҷаи марҳилаи гурӯҳӣ, аз ҳар гурӯҳ дудастаӣ ба плей-офф роҳхат мегиранд. Дар сурате ки тими ҷавонони Тоҷикистон ба чорякфинал барояд, бо яке аз дастаҳои гурӯҳи “А” вомехурад – Миср, Нигер, Мавритания, Алҷазоир.

Бозии финалии Ҷоми миллатҳои араб-2021 миёни ҷавонон (U-20) 6-уми июл ба нақша гирифта шудааст.

Ҷоми миллатҳои араб-2021 миёни ҷавонон (U-20)

Гурӯҳи «А»: Миср, Нигер, Мавритания, Алҷазоир.
Гурӯҳи «В»: Марокаш, ТОҶИКИСТОН, АМА, Ҷибутӣ.
Гурӯҳи «С»: Сенегал, Лубнон, Ироқ, Комор.
Гурӯҳи «D»: Тунис, Яман, Арабистони Саудӣ.

Ҷадвали бозиҳои мунтахаби ҷавонони Тоҷикистон (U-19):

1-ум давр
20 июн (якшанбе)
Оғоз – соати 19:00 бо вақти Душанбе
Марокаш – ТОҶИКИСТОН

2-юм давр
23 июн (чоршанбе)
Оғоз – соати 22:00 бо вақти Душанбе
ТОҶИКИСТОН – АМА

3-юм давр
26 июн (шанбе)
Оғоз – соати 22:00 бо вақти Душанбе
Ҷибутӣ – ТОҶИКИСТОН

• ←
• →