Ахбор
Лигаи олӣ: ду мусовӣ дар оғози даври чордаҳум
08.09.2020
: 906
Пас аз танаффуси дуҳафтаина, бо иллати бозии рафиқонаи тими миллии кишвар бо дастаи мунтахаби Узбекистон, 7 сентябр чемпионати Тоҷикистон оид ба футбол миёни дастаҳои лигаи олӣ аз сар гирифта шуд.
Дастаи “Файзканд”-и ноҳияи Восеъ бо тими КМВА мусовӣ – 1:1 бозӣ кард. Ба голи задаи Анвар Муродов артишиҳо бо зарбаи нишонраси легионери украинӣ Артем Гайдаш ҷавоб доданд.
Тими “Хатлон” низ дар сафар имтиёзҳоро бо дастаи “Душанбе-83” қисмат намуданд – 1:1. Бохтариҳо тавассути голи задаи Кароматулло Саидов ба пеш баромаданд, вале душанбегиҳоро заҳмати легионери ганагӣ Абглей Ҷонс аз бохт наҷот дод.
Имрӯз, 8 сентябр, ду бозии дигари даври чордаҳум баргузор мешавад. “Хуҷанд” дар майдони худ “Истаравшан”-ро қабул мекунад, “Истиқлол” дар Душанбе бо “Регар-ТадАЗ” вомехуранд. Бозии ниҳоии давр 11 сентябр миёни дастаҳои “Локомотив-Помир” – “Куктош” доир хоҳад шуд.
| ДАСТАҲО | Б | Ғ | М | Б | Т-Т | Х | |
| 1 | "Истиқлол" (Душанбе) | 13 | 12 | 1 | 0 | 51-6 | 37 |
| 2 | "Хуҷанд" (Хуҷанд) | 13 | 8 | 2 | 3 | 21-15 | 26 |
| 3 | "Хатлон" (Бохтар) | 14 | 6 | 5 | 3 | 23-19 | 23 |
| 4 | "Куктош" (Рӯдакӣ) | 13 | 5 | 5 | 3 | 20-16 | 20 |
| 5 | КМВА (Душанбе) | 14 | 5 | 5 | 4 | 21-20 | 20 |
| 6 | "Душанбе-83" (Душанбе) | 14 | 4 | 4 | 6 | 16-23 | 16 |
| 7 | "Файзканд" (Восеъ) | 14 | 3 | 6 | 5 | 13-24 | 15 |
| 8 | "Регар-ТадАЗ" (Турсунзода) | 13 | 2 | 3 | 8 | 16-31 | 9 |
| 9 | "Истаравшан" (Истаравшан) | 13 | 2 | 3 | 8 | 16-31 | 9 |
| 10 | "Локомотив-Помир" (Душанбе) | 13 | 1 | 4 | 8 | 9-21 | 7 |