Душанбе-1 – чемпиони Тоҷикистон оид ба ҳендбол

7-10 апрел дар шаҳри Душанбе, дар толори Маркази омодагии дастаҳои мунтахаби Тоҷикистон мусобиқаи ҷумҳуриявӣ оид ба ҳендбол миёни мардон баргузор шуд.

Дар мусобиқа 7 даста – дудастаӣ аз шаҳри Душанбе ва вилояти Хатлон, ВМКБ, Суғд, ШНТМ иштирок карданд. Дар натиҷа, ду дастаи шаҳри Душанбе ба финал роҳ ёфта, Душанбе-1 ғолиб гардид. Ҷои сеюмро дастаи ВМКБ ишғол намуд.
Мусобиқа бо мақсади тарғиби тарзи ҳаёти солим ва муайян намудани дастаи мунтахаби Ҷумҳурии Тоҷикистон баргузор шуд.

• ←
• →