КМОТ ЛОИҲАИ “РУШДИ СОХТОРИ ВАРЗИШИ ҶУДО”-РО АМАЛӢ МЕКУНАД

Кумитаи миллии олимпии Тоҷикистон бо маблағгузории Ҳамбастагии олимпӣ ва дар ҳамкорӣ бо Федератсияи ҷудои Тоҷикистон давоми се моҳ лоиҳаи “Рушди сохтори миллии варзиши ҷудо”-ро амалӣ мекунад.

Татбиқи лоиҳа дар ҳамаи минтақаҳои ҷумҳурӣ ба нақша гирифта шудааст. Аз ҷумла дар толори варзишии “Устопириён”-и шаҳри Хуҷанд дар доираи лоиҳа барои мураббиён ва доварони ҷудои вилояти Суғд курсҳои омӯзишӣ доир гашт.

Курсҳои омӯзшӣ бо мақсади баланд бардоштани малакаю маҳорати мураббиён ва доварони ҷудо ба таври амалӣ ҷараён гирифт. Мураббиён минбаъд ба шогирдон усулҳои нави ҷудоро меомӯзонанд ва доварон дар мусобиқаҳо таҷрибаи андухтаашонро ба кор мебаранд.

Атоулло Аббоснажод - мураббии байналмилалии дорои дани ҳаштум аз Федератсияи ҷаҳонии ҷудо ва Рамзӣ Шамиров - довари дараҷаи байналмилалӣ аз Тоҷикистон барои иштирокчиён омӯзишҳои лозимро ироа намуданд.

• ←
• →