Футзал: мусобиқа барои дарёфти Ҷоми Тоҷикистон оғоз шуд

Мусобиқа барои дарёфти Ҷоми Тоҷикистон оид ба футзал дар мавсими 2020 бо бозӣ миёни дастаҳои “Муҳоҷир” ва “Доро Инвест” дар марҳилаи муқаддамотӣ оғоз шуд.

“Муҳоҷир”-и Душанбе бар дастаи “Доро Инвест”-и Хуҷанд бо ҳисоби 8:5 ғалаба карда, ба даври навбатӣ роҳ ёфт.
Акнун дар даври чорякфинали Ҷоми Тоҷикистон “Муҳоҷир” дар бозии хонагӣ муқобили пешсафи лигаи касбии футзали кишвар – “Сипар”-и Хуҷанд бозӣ мекунад. Вохурӣ 28 август доир хоҳад шуд. Дар бозиҳои дигари даври чорякфинал “Иттифоқ” (Душанбе) бо “Соро компания” (Душанбе), “Истаравшан” (Истаравшан) бо “Формула-55” (Душанбе) ва “Самандар” (Турсунзода) бо “Равшан” (Кӯлоб) вомехуранд.
Бозиҳои нимфинал 9 сентябр, финали Ҷоми Тоҷикистон-2020 оид ба футзал 12 сентябр дар Қасри варзиши шаҳри Хуҷанд сурат мегирад.
Имсол ҳар марҳилаи Ҷоми Тоҷикистон оид ба футзал аз як бозӣ иборат мебошад.

• ←
• →