Лигаи футболи бонувон: “Хатлон” – ғолиби марҳилаи аввал

Дастаи “Хатлон”-и Бохтар ғолиби марҳилаи аввали Чемпионати Тоҷикистон оид ба футбол миёни бонувон гардид.

Дар марҳилаи аввал футболбозбонувони Бохтар дар 8 бозӣ ғалаба карда, як дидорро мусовӣ анҷом доданд ва аз 27 холи имконпазир ба гирифтани 25 хол даст ёфтанд.
Дар ҷои дуюм бо 24 хол дастаи “Зебонисо”-и Душанбе мавқеъ гирифт. Ҷои сеюмро тими “Зебо”-и Дӯстӣ бо 22 хол ишғол кард.
Дар даври ниҳоии марҳилаи аввал “Хатлон” ба дарвозаи “Равшан” 6 голи беҷавоб зад. 5 голро Лайло Ҳалимова ба номаш сабт кард. “Регар-ТадАЗ” бар тими “Барқ” пирӯз шуд – 7:1. Дар ҳайати тими ғолиб Наргиза Бобоева хет-трик анҷом дод. Дар бозии дигар “Панҷшер” аз “Зебо” бо ҳисоби 0:12 шикаст хурд. Меҳрангез Шарифова ва Саҳина Саидова 4-голӣ заданд. Дар ду бозии дигар “Бешкент” бар “Чашма” бо ҳисоби 7:0 ва “Зебонисо” бар “Ҳосилот” бо ҳисоби 11:0 ғолиб омаданд. Дар ҳайати “Чашма” Рафина Нурмуродова 6 тӯб, дар ҳайати “Зебонисо” бошад, Мадина Фозилова 4 тӯб ба ҳадаф расонданд.
12 август дар даври 10-ум ҷуфтҳо тариқи зайл вомехуранд: «Хатлон» – «Равшан», «Регар-ТадАЗ» – «Барқ», «Панҷшер» – «Зебо», «Бешкент» – «Чашма», «Зебонисо» – «Ҳосилот».

		Б	Ғ	М	Б	Т-Т	Х
1	"Хатлон" (Бохтар)	9	8	1	0	63-5	25
2	"Зебонисо" (Душанбе)	9	8	0	1	84-2	24
3	"Зебо" (Дӯстӣ)	9	7	1	1	51-8	22
4	"Регар-ТадАЗ" (Турсунзода)	9	5	1	3	40-9	16
5	"Бешкент" (Носири Хусрав)	9	5	1	3	36-10	16
6	"Барқ" (Норак)	9	3	1	5	7-46	10
7	"Ҳосилот" (Фархор)	9	2	1	6	5-42	7
8	"Чашма" (Шаҳритус)	9	2	0	7	8-62	6
9	"Равшан" (Кӯлоб)	9	1	0	8	1-44	3
10	"Панҷшер" (Ҷалолиддин Балхӣ)	9	0	2	7	5-72	2

• ←
• →