Тошканд – мизбони Чемпионати ҷаҳон оид ба дзюдо дар соли 2021

Соли 2021 беҳтарин дзюдочиёни ҷаҳон дар Осиёи Марказӣ муайян мегарданд. 15 январ Федератсияи байналмилалии дзюдо (IJF) ва Федератсияи дзюдои Узбекистон барои баргузории Чемпионати ҷаҳон оид ба дзюдо миёни калонсолон соли 2021 дар шаҳри Тошканд созишнома ба имзо расониданд.

Тибқи созишномаи қаблан батасвибрасида чорабинӣ бояд дар пойтахти Австрия баргузор мешуд, аммо бинобар сабаби танишҳои коррупсионӣ Вена аз мизбонии чемпионати ҷаҳон даст кашид.
Созишнома зимни сафари президенти Федератсияи байналмилалии дзюдо Мариус Визер ба Узбекистон бо раиси Федератсияи дзюдои Узбекистон Азизҷон Комилов дар Кумитаи миллии олимпии Узбекистон имзо шуд.
Ҳамчунин, бори аввал дар таърихи дзюдо IJF ва Федератсияи байналмилалии варзиши нобиноён (IBSA) ба нақша гирифтаанд, ки Чемпионати ҷаҳон оид ба дзюдо дар соли 2021-ро якҷо гузаронанд. Мусобиқоти IBSA пас аз анҷоми ЧҶ оид ба дзюдо доир хоҳад шуд.
Баргузории Чемпионати ҷаҳонии дзюдо соли 2022 дар Будапешт ва соли 2023 дар Доҳа ба нақша гирифта шудааст.

• ←
• →