Аввалин бохти “Истиқлол” дар Чемпионати Тоҷикистон

Дастаи “Истиқлол”-и Душанбе, ки пеш аз муҳлат унвони чемпиони Тоҷикистонро сазовор шуд, дар даври нуздаҳум аз тими “Регар-ТадАЗ” мағлуб гашт. Ин аввалин бохти тими Душанбе дар чемпионати имсола мебошад.

Бозии дастаҳо дар Варзишгоҳи марказии шаҳри Ҳисор бо ҳисоби 1:2 хотима ёфт. Бозингари тими шаҳри Турсунзода Диловаршо Ғаниев дар дақиқаи 27 ҳисобро кушод, ҳамдастааш Шерзод Муҳаммадиев дар дақиқаи 61 ҳисобро афзуд. Голи “Истиқлол”-ро дар дақиқаи 72 Аҳтам Назаров аз пеналтӣ зад.
Се бозии дигари даври 19-ум баргузор шуданд. Дастаи “Хуҷанд” дар меҳмонӣ бар тими “Хатлон” бо ҳисоби 2:1 ғалаба кард. Ба голи задаи бозингари тими мизбон Парвиз Охунов (дақиқаи 59), меҳмонон тавассути Юрий Захаркив (66) ва Соҳибҷон Ҳакимов (90+4) бо ду гол ҷавоб гардонданд.
КМВА “Помир” дар меҳмонӣ тавассути Сафаралӣ Каримов (35-ум дақиқа аз пеналтӣ ва Шервонӣ Мабатшоев (68) ба дарвозаи тими “Панҷшер” ду голи беҷавоб зад.
Дар бозии дигар “Истаравшан” бар тими “Куктош” бо ҳисоби 3:0 пирӯз шуд. Ду голро Бахтовар Зокиров, як голи дигарро Тулқинҷон Умаров ба номашон сабт карданд.
Пас аз натиҷагирии 19 давр дастаи “Регар-ТадАЗ” ба ҷои сеюми ҷадвали чемпионат баромад. Барандаи медалҳои биринҷии мавсими гузашта – дастаи “Куктош”-ро бошад, хориҷ шудан аз лигаи олӣ таҳдид мекунад.
Бо сабаби бозии тими миллии Тоҷикистон муқобили дастаи мунтахаби Ҷопон (15 октябр) дар марҳилаи интихобии Чемпионати ҷаҳон-2022 дар чемпионати мамалкат танаффус ба миён меояд. То охири мавсим дар лигаи олии Тоҷикистон се даври дигар боқӣ мондааст.

		Б	Ғ	М	Б	Т/Т	Х
1	"Истиқлол" (Душанбе)	18	14	3	1	52-14	45
2	"Хуҷанд" (Хуҷанд)	17	10	2	5	33-17	32
3	"Регар-ТадАЗ" (Турсунзода)	18	7	4	7	26-28	25
4	"Хатлон" (Бохтар)	18	6	5	7	26-28	25
5	КМВА "Помир" (Душанбе)	18	6	4	8	19-24	22
6	"Истаравшан" (Истаравшан)	17	6	3	8	17-24	21
7	"Куктош" (Рӯдакӣ)	18	5	5	8	24-32	20
8	"Панҷшер" (Ҷалолиддин Балхӣ)	18	3	2	13	13-45	11

Бозиҳои боқимонда:

19-ум давр
20 октябр (якшанбе)

«Куктош» – «Хатлон»
«Регар-ТадАЗ» – «Истаравшан»
«Панҷшер» – «Истиқлол»
«Хуҷанд» – КМВА «Помир»

20-ум давр
27 октябр (якшанбе)

«Хатлон» – КМВА «Помир»
«Истиқлол» – «Хуҷанд»
«Истаравшан» – «Панҷшер»
«Куктош» – «Регар-ТадАЗ»

21-ум давр
6 ноябр (чоршанбе)

«Регар-ТадАЗ» – «Хатлон»
«Панҷшер» – «Куктош»
«Хуҷанд» – «Истаравшан»
КМВА «Помир» – «Истиқлол»

Бозии мавқуфмондаи даври 13-ум
«Хуҷанд» – «Истаравшан»

• ←
• →