Ҷоми Гранаткин: Тоҷикистон ҷои 11-умро ишғол кард

Мунтахаби наврасони Тоҷикистон (U-17) дар мусобиқаи байналмилалӣ ба хотираи Валентин Гранаткин дар шаҳри Санкат Петурбурги Руссия ҷои 11-умро ишғол кард.

Шогирдони Зайниддин Раҳимов дар бозии охирини худ барои ҷои 11-ум 13 июн бар дастаи Ҳиндустон бо ҳисоби 1:0 ғалаба карданд. Голи ягонаи дидорро дар дақиқаи 39-уми дидор Озодбек Панҷиев зад.
Тими наврасони Тоҷикистон дар мусобиқаи мазкур, ки як марҳилаи омодагии даста ба Чемпионати ҷаҳон-2019 маҳсуб меёфт, дар умум 5 бозӣ анҷом дод. Дар даври гурӯҳӣ бо дастаҳои Юнон (4:4), Қирғизистон (1:1) мусовӣ бозӣ карда, аз дастаи Туркия (0:5) шикаст хурд. Сипас, дар бозӣ барои ҷойҳои 9-12 аз дастаи Арманистон (0:3) шикаст хурда, дар бозӣ барои ҷои 11-ум бар Ҳиндустон (1:0) пирӯз шуд.
Дар бозӣ барои ҷои 9-ум Арманистон Қирғизистонро бо ҳисоби 3:0 шикаст дод. Шоми имрӯз дастаҳои Молдова – Булғория барои ҷои ҳафтум, Эрон – Юнон барои ҷои панҷум бозӣ мекунанд. Фардо – 14 июн Руссия-2 – Туркия барои ҷои сеюм ва дастаҳои Руссия – Аргентина дар финал бо ҳам вомехуранд.

• ←
• →