2 медали каратэчиёни ҷавон дар Чемпионати Осиё

Варзишгарони ҷавони кишвар дар Чемпионати Осиё оид ба каратэ сазовори ду медали биринҷӣ шуданд.

Чемпионати Осиё оид ба каратэ (WKF) миёни наврасон, ҷавонон ва ҷавонони то 21-сола 26-28 апрел дар шаҳри Кота Канабалуи Малайзия доир гашт. Дар чемпионат 409 варзишгар (120 нафар миёни наврасон, 135 нафар миёни ҷавонон, 154 нафар миёни ҷавонони то 21-сола) аз 31 давлати қора иштирок карданд. Ҷумҳурии моро 6 варзишгар: Нодирбек Қулматов, Асадбек Фаттоев, Умед Сафаров (миёни ҷавонони то 17-сола), Муҳаммад Тешаев, Ҳоҷиқурбон Маҳмадов, Абдулваҳоб Шаропов (миёни ҷавонони то -21-сола) намояндагӣ карданд.
Медалҳои биринҷиро дар ҳайати дастаи Тоҷикистон Асадбек Фаттоев дар вазни -68кг ва Умед Сафаров дар вазни -76кг миёни ҷавонони то 17-сола ба даст оварданд. Нодирбек Қулматов дар вазни -61кг ҷои 7-умро ишғол кард.
Миёни ҷавонони то 21-сола натиҷаи беҳтарро Муҳаммад Тешаев нишон дод. Ӯ дар вазни -55кг ҷои панҷумро ишғол кард.

• ←
• →