Пирӯзии “Хуҷанд” бар “Регар-ТадАЗ” дар даври чоруми Чемпионати Тоҷикистон

Дар бозии марказии даври чоруми Чемпионати Тоҷикистон оид ба футбол миёни дастаҳои лигаи олӣ дастаи “Хуҷанд” дар майдони худ бар тими “Регар-ТадАЗ” бо ҳисоби 3:1 ғалаба кард.

Вохӯрӣ 25 апрел дар Варзишгоҳи “20-солагии Истиқлолияти Тоҷикистон” баргузор шуд. Голҳоро дар ҳайати дастаи ғолиб Турсуналӣ Рустамов (2-юм дақиқа), Давронҷон Эргашев (7-ум дақиқа) ва Дилшод Бозоров (39-ум дақиқа) заданд.
Имрӯз – 26 апрел – “Истиқлол” дар Варзишгоҳи марказии ҷумҳуриявии шаҳри Душанбе дастаи “Истаравшанро қабул мекунад. Оғози бозӣ – соати 18:00.
Ду бозии дигари даври чорум 27 апрел доир мегарданд. “Куктош” бо “Панҷшер”, КМВА “Помир” бо “Хатлон” бозӣ мекунанд.

• ←
• →