“Куктош” бо “Истиқлол” мусовӣ бозӣ кард

Дастаи футболи “Куктош” дар бозии хонагӣ бо тими “Истиқлол”-и Душанбе дар доираи даври сеюми Чемпионати Тоҷикистон мусовӣ (2:2) бозӣ кард.

Бозии охири даври сеюм 22 апрел дар варзишгоҳи “Нефтяник”-и ноҳияи Рӯдакӣ баргузор шуд. Дар ҳайати тими мизбон легионери узбекистонӣ Муҳиддин Олимов ду гол зад. Голҳои “Истиқлол”-ро Шаҳром Саидов ва Фатҳулло Фатҳуллоев (аз пеналтӣ) ба номашон навиштанд.
Баъд аз натиҷагирии даври сеюм “Истиқлол” бо 7 хол дар садри ҷадвал боқӣ монд. “Регар-ТадАЗ” ва “Панҷшер” бо 6-холӣ дар ҷойҳои дуюму сеюм мавқеъ доранд.
Бозии навбатии лигаи олии Тоҷикистон 25, 26, 27 апрел баргузор мешаванд. 25 апрел “Хуҷанд” дар майдони худ “Регар-ТадАЗ”-ро қабул мекунад. 26 апрел дар Варзишгоҳи марказии ҷумҳуриявии шаҳри Душанбе “Истиқлол” муқобили “Истаравшан” ба майдон мебарояд. Ду бозии дигар 27 апрел миёни дастаҳои КМВА “Помир” – “Хатлон”, “Куктош” – “Панҷшер” сурат мегирад.

МАВҚЕИ ДАСТАҲО ДАР ҶАДВАЛИ ЧЕМПИОНАТ

	ДАСТАҲО	Б	Ғ	М	Б	Т/Т	Х
1	"Истиқлол" (Душанбе)	3	2	1	0	9/4	7
2	"Регар-ТадАЗ" (Турсунзода)	3	2	0	1	5/4	6
3	"Панҷшер" (Ҷалолиддин Балхӣ)	3	2	0	1	3/2	6
4	"Хуҷанд" (Хуҷанд)	3	1	1	1	3/3	4
5	"Куктош" (Рӯдакӣ)	3	1	1	1	4/5	4
6	"Истаравшан" (Истаравшан)	3	2	0	1	4/5	3
7	"Хатлон" (Бохтар)	3	1	0	2	3/5	3
8	КМВА "Помир" (Душанбе)	3	0	1	2	1/4	1

• ←
• →