Эмомризо – ғолиби Ҷоми Осиё оид ба дзюдо

Варзишгари ҷавону умедбахши тоҷик Эмомризо Анварзода ғолиби Ҷоми Осиё оид ба дзюдо миёни наврасон гардид.

Мусобиқаи анъанавии Ҷоми Осиё оид ба дзюдо миёни наврасону ҷавонон 12-15 апрел дар шаҳри Тошканди Ҷумҳурии Узбекистон доир гашт. Дар мусобиқа 245 варзишгар аз 6 давлат – АМА, Қазоқистон, Қирғизистон, Руссия, Тоҷикистон ва Узбекистон иштирок карданд. Варзишгарони мо дар ин мусобиқа сазовори 5 медал – 1 тилло, 1 нуқра, 3 биринҷӣ шуданд.

Эмомризо Анварзода дар вазни -90кг миёни наврасон соҳиби медали тилло шуд. Медали нуқраро Шоҳида Қаландарова дар вазни -57кг миёни ҷавонон сазовор гашт. Медалҳои биринҷиро Аҳлия Муъминова дар вазни -52кг миёни наврасон, Муҳаммадризо Қувватов дар вазни -60кг ва Шарифҷон Назриев дар вазни -100кг миёни ҷавонон ба гардан овехтанд.

• ←
• →