Тими ҷавонон чемпионати АФОМ-ро бо ғалаба оғоз кард

Тими мунтахаби ҷавонони Тоҷикистон оид ба футбол (U-15) дар бозии аввалаш дар чемпионати Ассотсиатсияи футболи Осиёи Марказӣ (АФОМ) дар шаҳри Тошканди Узбекистон бар дастаи Афғонистон ғалаба кард.

Шогирдони Рустам Қурбонов дар ин дидор ба дарвозаи ҳариф 3 голи беҷавоб заданд. Меҳрубони Абдурауф 2 гол, Салоҳиддин Эргашев як гол ба ҳадаф расонданд.
Дар бозиҳои дигари даври аввал ҷавонони Узбекистон бар тими Туркманистон (4:1) ва Эрон бар дастаи Қирғизистон (2:0) ғолиб омаданд.
Бозиҳои даври дуюм фардо – 24 июл баргузор мешаванд. Тими ҷавонони Тоҷикистон ин навбат бо тими мизбон – Узбекистон вориди майдон мешаванд.

• ←
• →