Схемаи рангҳо: C C C C
Андозаи ҳуруф: A A A
Сурат:
  • Тоҷикистон, ш. Душанбе, кӯчаи С. Айнӣ 24
  • +992 (37) 221-64-67
  • noc@olympic.tj
d;rojgopdfkg'[o1adpkfp[osKF

Ахбор

Дар маҳаллаи Шафақ майдончаи варзишӣ ба истифода дода шуд

Дар маҳаллаи Шафақ майдончаи варзишӣ ба истифода дода шуд Дар маҳаллаи Шафақ майдончаи варзишӣ ба истифода дода шуд Дар маҳаллаи Шафақ майдончаи варзишӣ ба истифода дода шуд Дар маҳаллаи Шафақ майдончаи варзишӣ ба истифода дода шуд

13.06.2018

: 387

Субҳи имрӯз – 13 июн – дар маҳаллаи Шафақи шаҳри Душанбе майдончаи варзишӣ барои бозиҳои футболи хурд, баскетбол ва волейбол ба истифода дода шуд.

Иқдоми мазкур бо дастуру ҳидоятҳои Асосгузори сулҳу ваҳдати миллӣ - Пешвои миллат, Президенти ҷумҳурӣ, Президенти Кумитаи миллии олимпӣ, муҳтарам Эмомалӣ Раҳмон ва ташаббусҳои ободкоронаи раиси шаҳри Душанбе, муҳтарам Рустами Эмомалӣ ҷиҳати боз ҳам ободу хуррам гардонидани пойтахти мамлакат – шаҳри Душанбе амалӣ гардид.
Дар маросими ифтитоҳи майдонча, ки аз ҷониби Кумитаи миллии олимпии Тоҷикистон, дар доираи барномаи “Олимп Осиё”-и Шӯрои олимпии Осиё сохта шуд, муовини раиси шаҳри Душанбе Раҳимзода Толиб, раиси ноҳияи Исмоили Сомонӣ Самӣ Шариф, муовини Президенти Кумитаи миллии олимпӣ Абдуллозода Аҳтам ва сокинони маҳалла иштирок карданд.
Барои сохтмони майдонча дар доираи барномаи “Олимп Осиё”-и Шӯрои олимпии Осиё 882188 сомонӣ хароҷот шуда, корҳои сохтмонӣ аз ҷониби ҶДММ “Муҳайё” дар муддати 5 моҳ ба анҷом расонида шуд. Дар сохтмон 20 нафар коргарони маҳаллӣ ва 10 техникаи сохтмонӣ ҷалб шуд. Дар атрофи майдонча гулгашти зебое ташкил гардида, дар он тариқи ҳашар 300 ниҳоли дарахтони сояафкану мевадиҳанда ва 26 дарахти 10-солаи ороишӣ шинонида шудааст, ки барои фароғати сокинони маҳалла мусоид аст.  
Замине, ки барои сохтмони майдонча ҷудо шудааст, қаблан қамишзор буда, наврасону ҷавонони маҳалла дар як гӯшаи он дар шароити номувофиқ ба бозиҳои варзишӣ машғул мешуданд. Акнун барои бозии наврасону ҷавонон шароити мусоид муҳайё гардид.