ТУҲФАИ РАИСИ ШАҲРИ ДУШАНБЕ БА ТЕМУР РАҲИМОВ ВА МУЛОРАҶАБ ХАЛИФАЕВ

Паҳлавонҳои кишвар Темур Раҳимов ва Муллораҷаб Халифаев бо туҳфаҳои арзишманди Раиси шаҳри Душанбе қадрдонӣ шуданд.

Бо қарори Раиси шаҳри Душанбе, муҳтарам Рустами Эмомалӣ ба Темур Раҳимов - узви дастаи мунтахаби Тоҷикистон оид ба ҷудо, дастпарвари Муассисаи давлатии “Мактаби ҷумҳуриявии маҳорати олии варзишӣ оид ба намудҳои гӯштин”, барои ба даст овардани медали тиллои «Baku Grand Slam 2022» хонаи дуҳуҷрагӣ бо тамоми шароити рӯзгор ва ба Мулораҷаб Халифаев - дастпарвари “Мактаби махсуси варзишии захираҳои олимпии №6 оид ба намудҳои гӯштин”-и шаҳри Душанбе барои ба даст овардани медали нуқраи «Baku Grand Slam 2022» 100 000 сомонӣ тақдим карда шуд.

Хотиррасон менамоем, ки мусобиқаи байналмилалии ҷудо – “Baku Grand Slam 2022” 4-6 ноябр бо иштироки варзишгарони 61 давлати ҷаҳон доир гашт. Дар ин мусобиқаи бонуфуз варзишгарони тоҷик Темур Раҳимов дар вазни +100кг медали тилло ва Мулораҷаб Халифаев дар вазни -66кг медали нуқра ба даст оварданд.

• ← Пред. новость
• След. новость →